Olaf Scholz

Olaf Scholz (Osnabrück, 14 juny 1958) is in Dútsk politikus fan de Sozialdemokratische Partei Deutschlands (SPD). Sûnt 8 desimber 2021 is er bûnskânselier fan Dútslân. Earder wie er fan 14 maart 2018 ôf fisekânselier fan Dútslân en bûnsminister fan Finânsjes yn it kabinet-Merkel IV. Earder wie er ûnder mear boargemaster fan Hamboarch. Scholz wie út namme fan syn partij kânselierskandidaat by de Bûnsdeiferkiezings fan 2021, dy 't troch de SPD wûn waarden. Nei dy ferkiezings waard er bûnskânselier fan Dútslân en lieder fan Kabinet-Scholz I.